Røde Kors: Uummannarmiut katerisimaarnissartik pisariaqartippaat
Ineeqqami ilisivinnik, karsinik, nivinngaavinnillu atisank atornikunik uikkaartunik imallit akornanni inuit arfinillit tattoqisaapput. Issiaviit marluinnaapput flamingollu karsit marluk, plastik karseq, Islands Røde Korsimiillu karseq savimineq peqataasut sisamat sinnerisa naammagisariaqarpaat.
Sapaatiuppat 17.juni, tassaarsuaqaraneraniik ukioq ataasinngorpat, nunaqarfiit marlunneersut imminnut qanimut naapinnissaat ataatsimiissutaavoq. Ulloq innuttaasut angerlarsimaffitsik uteqqittussaanagit qimammatigit.Inuit tallimat tassaapput Kalaallit Røde Korsip immikkoortortaartaani siulersuisut, arfernat tassaavoq immikkut qaaqqusaq, Nuugaatsiami, Illorsuarnilu nunaqarfinni aqutsisut siulittaasuat, Karl Peter Møller.
AAMMA ATUARUK Naalakkersuisut aamma Avannaata Kommunia tikeraalersut
Aaqqissuussaq innuttaasunut qiimmassaataassaaq
Naak inimi atornikuerniarfimmi tukalaartumi ataatsimiinneq ingerlanneqaraluartoq torersumik ingerlanneqarpoq. Siulittaasoq Paneeraq Zeeb oqaluuserisassanik saqqummiussivoq.
Qulequtaq ataasiuvoq. Uummannarmiunut ukiorlu ataasinngulersmi Uummannamut qimagussuunneqarnikunut kateritsitsisumik aaqqissuussiortoqassaaq, Paneeraq Zeeb nassuiaavoq.
- Uummannarmiunut Uummannamullu nuutitaanikunut qiimmassaatissatut takorloorparput,alianartumillu ulloq alianartunik eqqaamasaqarfiusoq ajunngitsumik misigisaqarfiginissaanut aqqutissiuussisuussasoq. Ullormi uani tamatta qiimmassaqatigiinnissarput pisariaqarpoq, siulittaasoq oqarpoq.
Qisuariartarnissaq pisariaqarpoq
Siulersuisuniit ataatsimeeqataasut siunnersuusiorlutillu qoqallipput. Karl Peter Møller Nuugaatsiameersoq tapersiivoq oqarlunilu nammineq qimagussuunneqarsimasullu allarpassuit, KRK-p aaqqissuusaa pisariaqartillugu.
AAMMA ATUARUK Røde Kors tassaarsuaqarnerani eqqugaasunut suli ikiuuttoq
- Uanga isumaqarpunga immaqa pisarialerujussuusoq. Nuugaatsiarmiut Illorsuarmiullu tassanngaannaq nunaqarfimminniit qimagutsitaanikuupput atisannguatik kisiisa nassarlugit ilaalu suutaarullutik, oqaluttuarpoq.
Immikkoortortami siulittaasoq Paneeraq Zeeb isumaqataavoq Uummannarmiunut eqqaamiunullu tamanut eqquisimanerarlugu, taamaammallu KRK-p suliassaat pisariaqartut.
- Tamatsinnut sakkortunikuuvoq, taamaammat isumaqarpugut Kalaallit Rødekorsianiit arlaatigut qisuariartariaqartugut juunip 17-iat 2018 arlaannik imaqartinnissaanik.
Naalagiaqatigiinneq siaasaanerlu
Akunnerup affaa qaangiummat ataatsimiinneq isumaqatigiiffiusoq naammassivoq. Kommunep eqqaaniartitsereernarata kingorna, innuttaasunut tamanut siaasaasoqarlunilu sammisassaqassaaq.
Ataatsimiinnermi imaqarniliortup allattaavini seeqquminiititani naggatilerpaa ataatsimiinnerlu naammassilluni.
KRK-p aaqqissuussaata saniatigut Avannaata Kommunia Naalakkersuisullu kattullutik Uummannami 17.juni sammisaqartitsissapput. Ilaatigut Kim Kielsen, Simon Simonsen Borgmestyerilu Palle Jeremiassen peqatigalugit naalagiaqatigiinneq
