Uummannaq: Qernertanik qilalugartassat tamakkerpaat
Uummannap pigisaani sunngiffimmi piniartartut qilalukkanik qernertanik piniarnerat unitsinneqarpoq, Qaasuitsup Kommuniata piniarnermut aalisarnermullu immikkortortaqarfiata taama nalunaaruteqarpoq.
Allattoq Karsten Sommer, Simon Uldum
Piniarnerup unitsinneqarnera Uummannap illoqarfiani nunaqarfiinilu nalunaarutigineqareerpoq, maannali aamma Uummannami piniarnermik nakkutilliisup kajumissaaruteqarneratigut pisortatigoortumik nalunaarutigineqarluni.
Inuussutissarsiutigalugu piniartut qilalukkanik qernertanik piniarnertik ingerlatiinnarallarsinnaagaat, Qaasuitsup Kommuniani piniarneq aalisarnerlu pillugit fagschefiugallartup, Paaviaaraq Jakobsenip, ilisimatitsissutigaa.
Sunngiffimmili inuussutissarsiutigalugulu piniartut qilalukkanik qaqortanik piniarnertik ingerlatiinnarsinnaagaat Radioaviisimut ullumi oqaatigaa.