Anorip nukii atorlugit nukissiuutinik, aamma seqerngup nukiinik nukissiuutaasinnaasunik, illoqarfimmi nunaqarfinnilu kommuni pilersitsisimavoq – misileraataagallartumik.
Uummannap Kommuniani sikusimasarnera ukiuni kingullerni sivikilliartuinnarsimavoq taamaammat avatangiisinut silaannarmullu illersuinerulernissaq pissusissamisuuginnarpoq.
Uummannap Kommuniani kommunaldirektørip, Pollas Lyberthip, pilersaarutigaa kommuneqarfiup ”pinngortitamut illersuisutut” ukiuni aggersuni ornittaganngornissaa, qanorlu iliuuseqariarnerup kingunerisassaasa ilagissagaat takornarnianut pinngortitamut minguitsumukarusuttartunit Kalaallit Nunaanni kommunit avannarliit ilaata orneqqusaalersaarnera.
Pollas Lyberth oqarpoq, kommunip ARTEK, tassa Arktisk Ingeniøruddannelse, suleqatigalugu piviusungortilersaakkat arlallit sammisimagai, sammisallu seqerngup aamma anorip nukiinik atuisinnaanermut tunngasimasut.