Uummannap eqqaani angut toqungasoq siumorneqartoq

Politiit oqarnerat naapertorlugu umiatsiaaraq inuttaqanngitsoq ullaaq kalerriutigineqarpoq, ingerlaannarlu politiit, umiatsiaaqqat qulimiguulillu ornigutsinneqarlutik.

- Taamaalilluni ujaasineq paasiniaanerlu aallartippoq. Uummannap eqqaani ilaatigut umiatsiaarasornikkut ujaasipallattoqarpoq, ingerlaannarlu angut toqungasoq puttasorlu nassaarineqarpoq, Uummannap politeeqarfiani politiassistenti Frederik Fleischer oqarpoq.

Umiatsiaaraq sikumut aporsimanissaa politiinit ilimagineqarpoq.

Angut ipisimasorineqartoq kinaassusersineqarpoq, politiillu oqaatigaat Uummannap eqqaani nunaqarfimmi Ukkusissaninngaanneersoq.

- Paasiniaaqqissaarnerit ingerlanneqartut takutippaa Uummannami nunaqarfiinilu inunnik allanik maqaasisaqartoqanngittoq, taamasillunilu ujaasineq pilertortumik naammassineqartullu unitsikkallarneqarlutik.

Tusarniaanerli ingerlateqqinneqassasoq, Frederik Fleischer oqarpoq.

Ajunaarsimasumut ilaqutaasut kalerrinneqareerput.