Uummannamut eqqaanilu takornariat piareersimaffiginiarneqarput
Nunatsinni Takornariaqarnermi Inuussutissarsiornermilu Siunnersuisoqatigiit kiisalu takornarianik sullissivik, Destination Avannaa, takornariat umiarsuaannik tikittartut qanoq aningaasarsiorfigineqarsinnaaneri pillugit, Uummannap nunaqarfii, Niaqornat, Qaarsut, Ukkusissallu, sapaatip akunnerini kingullerni paasissutissiiartorfigisimavaat.
Destination Avannaani suleqataasoq, Konrad Seblon oqarpoq, nunaqarfinni takornariat isertitaqarfiginiarnerini akornutit uniffiginagit isummaminnik ineriartortitsiniarlutik, namminneq takornariartitsisarnermik suliaqartut siunnersortigisarsinnaagaatsik.
Konrad Seblon oqaluttuarpoq, nunaqarfinni talittarfeqarniarnerit pitsanngorsaaffigineqarnissaat kissaatigineqartoq. Takornariammi hunnorujut arlallit ataatsikkut timmukarsinnaaneq ajornerat pissutigalugu, nunaqarfinni nuannersunik misigisaqartitsisinnaaneri takornariat arajutsisarmatigit.
Niaqornani Ukkusissanilu umiarsuarnik takornariaqarneq pillugu suleqatigiissitaqareerpoq. Siunnersuisullu angalanerisa kingorna Qaarsuni Uummannamilu aamma suleqatigiissitaqalerpoq.
