Uummannami qaleralinniarneq unitsinneqalersoq
Uummannami umiatsiaararsorluni qaleralinniarneq sisamanngorpat unitsinneqassaaq, sinerissap qanittuani qaleralinniarniassamut pisassiissutit amerlarnerit pisarineqareermata.
Allattoq Pipaluk Høegh
novembarip 06-at 2012 13:22
Uummannami sinerissap qanittuani umiatsiaararsorluni qaleralinniarneq unitsinneqalerpoq aqutsiveqarfimmi Uummannami pisassiisutaasimasut aalisarneqareerlutik nungulermata, qaleralinniarneq unitsinneqassaaq novembarip arfineq pingajuani.
- Ulloq kingulleq uumiatsiaararsortut tunisiffissaat tassaavoq novembarip arfineq pingajuat, taama Kalaallit Nunaanni Aalisarsinnaannermut Akuersissutinik Nakkutilliisoqarfimmi Pisortap tullia Niels J. Laursen ilisimatitsivoq.
Aalisarneq 50 tonsinik qaammammut pisassiissutilerlugu 1. december ammaanneqaqqissaaq. Angallatinut meterit arfinillit qaangerlugit angissusilinnut pisassiissutit sinneri Uummannami 353 tons-iupput, Qeqertarsuup Tunuani 752 tons-iupput, Upernavimmilu 436 tons-iullutik.
