Uummannami meeqqat angerlarsimaffiat 80-nngortorsiorpoq
Nalliuttorsiortitsineq innuttaasunit peqataaffigineqarluarsimasoq, ningiuusoq Ann Andreassen ilisimatitsivoq.
- Tunisuterpassuarnut qujavugut, minnerunngitsumillu Polar Seafoodimit 50.000 koruuninik tunineqarnitsinnut, taakkulu suliniutinut meeqqanut inuusuttuaqqanullu tunngasunut atorneqassapput, Ann Andreasen oqaluttuarpoq.
Meeqqat angerlarsimaffiata silataatungaani meeqqat namminneq qamusiaanni unnuiffigineqarsinnaasumi assilisaasimasut saqqummersinneqarput.
Nalliuttorsiornermut atatillugu meeqqat inuusuttuaqqallu pillugit sapaatip akunnerata naanerani
isumasioqatigiittoqarmat meeqqat aamma tusarnaartitsisipput.
Meeqqattaaq nunani allani angalasimapput ilaatigut Sverige, Frankrig New Yorkilu tikeraarneqarsimallutik.
Meeqqat New Yorkimiikkamik erinarsortartumut amerikamiuusumut Pete Seegermut erinarsorsimapput, erinarsortartup taalliaa 'We Shall Overcome' kalaallisuunngorlugu atorneqarsimalluni.