Uummannami imeq imerneqarsinnaanngoqqittoq
Uummannami erngup uuliamik akoqarnera pissutaalluni septembarimili imerneqarsinnaajunnaartoq, qaammatit marluk qaangiutillartullu maanna imerneqarsinnaalersoq naalakkersuisut tusagassiutinut allapput.
Allattoq Marie Kûitse Kristensen
Pinngortitamut avatangiisinullu naalakkersuisoqarfiup nunatsinni nakorsaaneq isumaqatigereerlugu Uummannami erngup kuuffimmeersup imerneqarsinnaanngortutut nalilerpaa.
- Taamaalilluni Uummannami imermut aqqusersuutit atorneqarnissaannut killilersuineq tamarmi atorunnaarpoq, aammalu kikkut tamarmik kuutsitsillutik imersinnaalerput, naalakkersuisut nittartakkaminnut allapput.
Uummannami Nukissiorfiup kukkuluttorneratigut erngup uuliamik akuneqarsimanerata kingunerisaanik imeq kuuffimmeersoq qaammatini marlunnik imerneqarsinnaanngereerluni maanna tassa imerneqarsinnaalerpoq.