Uummalluuteqartut pillugit aningaasanik katersuiniartoqalerpoq

Danmarkimi arnat ukiumut 9.000-ngajaat uummalluuteqarnermik toqquteqartarput, arnallu uummartunerulernissaat anguniarlugu Danmarkimi Uummalluuteqartut Peqatigiiffiat ukiuni tulliuttuni tallimani 15 millioni koruuninik katersuinialerpoq.

Katersuiniarnermi ingerlallualereersumi timimut tunngasunik nioqqutissaarniarfissuaq Matas suleqataavoq, saqqarmiuaqqanillu uummataasartalinnik tuniniaanermini 850.000 koruunit upernaap ingerlanerani isertissimavai. Aningaasat taakku arnat uummalluuteqartarnerat pillugu ilisimatusarnermut atorneqassapput.

Uummalluuteqartut Peqatigiiffiata Matasimik suleqateqalerneratigut peqqinnarnerusumik inuuneqalernissamut oqariartuut arnanut aamma anngunniarneqassaaq.

Inuunerinnerunissamut oqariartuutit Matasip pisiniarfiini TV-kkut isiginnaarneqarsinnaalissapput, Matasillu timersornermut tunngasunik pisiniarfiini pisianit tamanit 1 koruuni Uummalluuteqartut Peqatigiiffiannut illuartinneqartalissaaq.