Uumasuutilippassuit oqartussanit matuneqarput
Pisoq aallartippoq, uumasut nerisassaannik tunisassiortut, nunap immikkoortuani, Niedersachsenimi tunisassiortut, uumasuutilinnut 1000-nut dioxinimik akulinnik tuniniaasarsimanertik isertuussimagaat paasineqarmat.
Tamassuma paasineqarnerata kingorna tyskit uumasuutillit 4700-it tunisassiornissaannik mattussaapput, taamaaliortoqarpoq paasineqarsimammat timmissat tunisassiarineqartut dioxinimik akoqartut.
Dioxini ulorianartuuvoq kræfteqalissutaasinnaallunilu taamaattumillu nerisassanut akuutissatut atoqqusaanani. Taamaakkaluartoq uumasut nerisassaannik tunisassiortut, dioxin uumasut nerisassaannut akugitittarsimavaat, tamatumalu kinguneraa uumasut nerisassaat tusind tonsikkaat Tysklandimi tunisassiortunut siaruaalluni.
Tamanna pisoq paasineqarmat Tysklandimi oqartussat oqaatigigaluarpaat, uumasut nerisassaat 150.000 tonit nunanut allanut tunisassiarineqarsimanngitsut, EU-lli kommissionia naapertorlugu Danmarkimut aamma Frankrigimut taakku tunisassiarineqarsiamapput.
Danmarkimi oqartussat oqaatigaat, danskit atuisut isumakuutissaqanngitsut, tassami uumasut nerisassaat taakku taamaallaat timmissanut piaqqiortitsisartunut atorneqartarmata.
