Nunat EU-mi ilaasortat 20-t uumasuusiviini 200-ni sukumiisumik misissuinernit naliliinerit siulliit tamanna ersersippaat.
Taamaammat uumasut peqqinnissaannut inatsisit malitsineqarnissaasa tungaatigut Naalakkersuisut pisortallu akisussaaffimminnik annertuumik sumiginnaasimasutut oqaatigineqarput. Suliniaqatigiiffimmi Born Free Foundation-imi ilisimatuutut paasisassarsiortoq misissuinermi pisortaasimasoq, Daniel Turner taama oqarpoq.
- Qaammatini 18-ini misissuinitta ersersippaat, EU-mi uumasuusiviit amerlanersaasa inatsisitigut akisussaaffimminnik unioqqutitsisarnerisigut, uumasunut miliuunilinnut atugassarititaasut pitsaanngitsut ajorluinnartutulluunniit oqaatigisariaqartut, Daniel Turner oqarpoq.
Uumasuusivinnik misissueqataasut aamma nalunaarput, qaammatini tulliuttuni Europami uumasuusivinni pissutsit pillugit sukumiinerusumik saqqummiisassallutik.