Uumasut nakorsaata terianniat perlerortut mianersoqqussutigai
Nanortallip pigisaani Tasiusami terianniaq kommunefogedimit ullut marluk matuma siorna pisarineqartoq perlerortuusoq, Kujataani uumasut nakorsaannit ullumi paasineqarpoq.
![](/sites/default/files/styles/image_934x467/public/article_images/polarraev_i_sommerpels_2_01.jpg?itok=IWRw8bx-)
Allattoq Jens Thorin
Taamaammat Tasiusami qimmiutillit maanna kaammattorneqarput, qimmiutitik pingasunik qaammateqalersimasut tamaasa akiuussutissamik kapiteqqullugit.
Tasiusami kommunefogedi taama ilisimatitsivoq.
Perlerorneq Nunatsinni terianniat akornanni atugaasupilussuuvoq. Nappaat terianniamit inunnut, qimminut qitsunnullu toqqaannartumik tuniluussinnaavoq. Aamma qimmit qitsuillu inuit tunillassinnaavaat.
Taamaammat qimmit qitsuillu tunillatseqqunagit akiuussutissamik kapitinnissaat pingaartuuvoq.