Avatangiisit Nunanit allanit

Uumasunik illersuiniaqatigiit Mary amiusaanik tunissuteqarfigigaat

Uumasunik illersuiniaqatigiiffik PETA, kunngissap nuliata Maryp 45-liinissaanut nutaaliorluni tunniussassaminik isumassarsisimavoq.
Allattoq Simon Uldum -
februaarip 09-at 2017 06:38

Uumasunik illersuiniaqatigiiffiup PETA-p Australiami immikkoortoqarfiata kunngissap nulia Mary amernik atisalianik atuiunnaarnissaa neriuutigalugu amiusaanik tunissuteqarfigaa.

AAMMA ATUARUK Kunngikkormiut assinganik frimærkiliaq isornartorsiorneqarpoq

- Danmarkimi kunngissap nulia Mary amernik atisaliat atussallugit nuannarai. Taamaammat inuuissiornerani AMIUSAANIK nassipparput, PETA Australia Facebookimi quppernermini allappoq.

Illersuiniaqatigiiffik nittartakkamini ima allaaserisaqarpoq:

- Suliffissuit amernik tunisassiorfiusut uumasunik naalliutsitsiinnaratik avatangiisinik navianartorsiortitsipput, PETA-p Australiami immikkoortortaqarfia allappoq.

KNR-ip danskit kunngikkormiut attaveqarfigai, amernilli tigusaqarsimanerlutik oqaaseqarfigimanngilaat.

 

 

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.

Aamma atuaruk