Kunngikkormiut assinganik frimærkiliaq isornartorsiorneqarpoq
![](/sites/default/files/styles/image_934x467/public/article_images/frimaerke_copy.png?itok=UdEM1idt)
Kunngissakkummi meeraasalu kalaallisoorlutik assingat uumasunik illersuiniaqatigiiffiup PETA-p isornartorsiorpaa, puisimmi nannullu amiinit sanaajunerat PETA-p isornartorsiorpaa.
- Frederiup Maryllu meeqqatik peqatigalugit puisit amiinit pisunik atukkersorsimallutik assingat assuarnartuliaavoq, uumasunik illersuiniaqatigiiffik PETA oqartoq, Australiami aviisit ilaata The Localip allaaseraa.
- Qallunaat misigittaatsutut isigineqarusussimapput, ullutsinnilu pissutsinut malinnaaniaratik. Misigeqatiginnittariaqarput, amminillu suliat atorunnaartariaqarlugit, atisallu avatangiisit mianeralugit suliat atortalertariaqarlugit, PETA-p Europami oqaaseqartittagaa Sascha Camilli The Localimut oqarpoq.
Nalliuttorsiorneq taama malunnartinneqartariaqanngikkaluartoq uumasunik illersuiniaqatigiiffik oqarpoq:
- Katiffissiorneq taama nalliuttorsiutiginiarlugu naleqqutinngilaq, ilaqutariit amminit pisunik atukkersorsimallutik assilitissimanerat naleqqunnani, Sascha Camilli oqarpoq.