Uumasut 2 millionit orpippassuarni ikuallattoqarnerani toqutaasut

Uumasut nujuartat 2 millioninit amerlanerusut orpippassuarni sapaatini akunnerni qassiiusuni ikuallarujussuartoqarnerani toqutaapput. Uumasut amerlasuut tassaapput pumat, jaguarit lamallu.

Avatangiisinut uumasunullu ilisimatuut qassiiusut nutaarsiassaqartitsivimmut, AFP-mut paasissutissiipput.

Ikuallannerup Boliviap kangisissortaani Chiquitaniami orpippassuit ivigaqarfiillu aserorteriffigingaatsiarpai.

Orpippassuarni aserorteriffiungaatsiartumik ikuallattoqarnerani qitsussuit jaguarit, pumat ozelottit kiisalu savat lamallu amerikap kujataani qeqqanilu siaruarsimalluartut ilaatigut toqutaapput.

Tamatuma saniatigut uumasut mikinerusut aamma eqqugaapput. Matumani myreslugerit, grævlingit, sisamavillit, tapire-it kikkassullu assigiinngitsut aamma toqutaapput.

Boliviami oqartussat ikuallattoqarnerani timmisartunik, qulimiguulinnik qatserisartunillu 5000-inik aggustimi qamisaatitsilerput. Orpippassuarnili ikuallanneq suli nakkutigineqarsinnaalinngilaq.

Boliviami naalakkersuisut nunap panernera anorlerneralu ikuallannermut pissutaasoraat.