Uumasunik illersuiniaqatigiit amernik atisalianik atueqqusinngitsut

Assit allagartarsualerneqarput, allagarserlugit uumasunit pisunit amernik atuinngitsut. USA-mi arnat tusaamaneqarnerpaat sisamat assiliarsuarni assitaliunnneqartut tassaapput TV-kkut aallakaatitassiortartoq, nunarsuarmi tamarmi tusaamasaasoq, Oprah Winfrey, assilisittartoq Tyra Banks, Carrie Underwood kiisalu USA-p præsidentiata nulia, Michelle Obama.

Assiliarsuit taakku aalassassimaarutigineqarput, præsidentit nuliaat takoqqusaarutinut aningaasarsiutaasinnaasunut ilaatinneqaqqusanngimmata, aammalu Michelle Obamap assiliarsuarni assillitaliunneqarnissani akuersissutigisimanngimmagu.

Ingasattajaartumik uumasunik illersuiniaqatigiiffiit PETA Michelle Obamap assitaliunneqarnera oqaaseqarfigiumanngilaat, Michelle Obamap allattaa oqarsimanerarneqarpoq Michelle Obama uumasunit pisunit amernik atuineq ajorsimasoq.