Uumasumik naalliutsitsisoqarsimanera ilimagineqarpoq
Qimmeq qernertunik qaqortortalinnik meqqulik aqqunartitersimaqisoq Nuummi uumasut nakorsaannut eqqunneqarnermi kingorna toquvoq.
Allattoq Louise M. Kleemann
Nuummi politiit naapertorlugit qimmeq ”akusaq” Nuussuup ilaani Atertami tallimanngornermi ualikkut naammattoorneqarpoq.
Qimmeq timimi talerpiatungaatigut ikilerneqarsimasoq uumasut nakorsaannut anngunneqarpoq ingerlaannarlu pilattaavimmut ilineqarluni. Kisianni uumasut nakorsaata annaassiniarnerigalua iluatsissimanngilaq.
Pisoq Nuummi politiinit pinerlunnertut isigineqarpoq.
- Qimmip piginnittui kikkuusut nalunngilagut aamma paasiniaanermut atatillugu aggersarneqassapput, Nuummi politiit oqarput.