Uumasuaqqat uummartuut Marsimukartinneqalerput
Nanuusaaraq uumasut allat inuuffigisinnaanngiasaanni, qinngornernilluunniit ulorianartunik qingorneqaraluaruni uumasinnaavoq katsorsaasiornermullu iluaqutaalluarsinnaalluni.
Manna tikillugu nanuusaaqqat misiliutigineqarnerannit paasisat iluaqutigalugit, nappaatip kræftip akiorneqarnissaanut misilittaanerni atorluarneqarput.
Nanuusaaqqat sumiluunniit imeqalaartumi uumasinnaagamik Marsimi aamma uumasinnaassasut, ilisimatuut oqaatigaat.
Ilisimatuut Russit avataarsualiaataannut ilaatillugit nanuusaaqqat ulluni aqqaneq-marlunni siorna avataarsuaniisippaat. Nanuusaaqqat qinngornernut uloriaartunut illersuuteqanngikkaluarlutik, Kasakhstanimut uteramik suli uumasut nunarsutsinniiginnartutulli amerlatigipput. Taamaammat avataarsuani ilisimasassarsiornerni iluaqutigineqarluarsinnaapput. Møbjerg Kristenseni oqaluttuarpoq isumassarsiani NASA-mut saqqummiuteqqaaramiuk iluarpinngitsutut isigineqaqqaaraluarsimalluni. Europamiulli avataarsualiortitsisarfia, ESA isumassarsiamik aningaasaleerusukkallartillugu pilersaarusiorsinnaasimagami, tassa maanna oqarsinnaalerluni ukiut qulit ingerlaneranni nanuusaaqqanik Marsiliartitsisinnaassalluni.
