Uumassusilinnik avataarsuaneersunik taakkualu ilaannik eqqarsarsinnaassusilinnik nassaarniartoqassaaq. Tamannalu Europamiut qaammataasaliaata avataarsuanut ullumi aallartinneqartup suliarissavaa.
Qaamaneq ullorissaninngaanneersoq iluaqutigalugu, ullorissat seqinermik kaaviisut silaannarsuarmi sumiiffinni allani nunarsuarmut assingusut qaammataasap Corot-ip ujassavai.
Ulloriarsiortoq Hans Kjeldsen siusinnerusukkut oqarpoq nunarsuarmut assingusumik nassaassaqassappat, ulloriaq taanna seqinermik kaaviillunilu silaannartaqartariaqartoq.
Paasissutissanik Corot-ip nassiussaanik Århusip ilisimatusarfia misissueqqissaartartuussaaq.
Atortut tamarmik atorsinnaanerat Qaammataasap nammineerluni misiligaqqaassavai, tamannalu qaammatinik arlalinnik sivisussuseqarsinnaammat paasissutissanik qanittumi takkuttoqassanngikkallarpoq.
Qaammataasiortuuvorlu franskit avataarsualiartitseqatigiiffiat ESA.