"Uumasorujussuaq" nassaarineqartoq

Maannalu ilisimatusartut ujaranngortoq taanna 15 meterinik takissuseqartoq katitereersimalerpaat, taasimavaallu ”uumasorujussuaq”.

Taanna uumasoqatigiinnut Pliosaurusikkunnut ilaavoq, dinosauruseqarneratalu nalaani imavinni uumasuusimalluni. Pliosaurus Skotlandimi uumasorujussuutinneqartartumut Loch Ness-imut assingutinneqartarpoq.

Uumasorujussuup taassuma ujaranngorsimasup timitaa, kuseriarnertut isikkoqartunik qallersimasoq nukittuunik marlunnik taleroqarpoq. Taleqqunilu atorlugit immami sukkasuumik ingerlasinnaalluni.

Uumasoq taanna ima angitigaaq imalu nukittutigaluni biili kiiguniuk ingerlaannaq napisinnaassagaluarlugu.

Uumasorsuaq taanna ujaranngornikorpassuit akornanni nassaarineqarpoq. Ujaranngortut ima allanngujuissimatigipput, allaat Ilisimatusartut nassaarfitsik taasimallugu ’Jurassic Park’.

Saarngisa misissoqqissaarnerisigut paasineqartoq uumasorsuaq taanna siornatigut nassaarfigineqarsimanngitsunut ilaasoq.