Uumasorujussuit paarngortut, naasortortut, dinosaurit, ujarannguunnikut, sinneri tunuliaqutaralugit, uumasuusimasut taakku ilaasa isikkui nutaalianngorlugit brasiliamiut ilisimatuut isikkunitsissimavaat.
Uumasorujussuaq ”nutaaq” pinngortinneqartoq taaguuserneqarpoq: ”Maxakalisaurus topai” taakku ukiut 80 millionit matuma siorna uumasuusimapput.
13 meterisut takitigisimapput ni tonsilu tikillugu oqimaatsigisimallutik.
Brasiliap qeqqata missaani Sierra da Boa Vistami 1998-imi 2002-milu assaasoqarmat uumasorujussuit taakku ujarannguunnikut nassaarineqarput. Katiterneralli, ilusilersornerallu, ilisimatuut ukiorpaalunni suliaraat.