Uuliasiortut akiliisitaarujussuarput
Mærskimiit Nordsømi uuliasiortut pisariaqanngitsumik qinngornernik ulorianartunik ulorianartorsiortinneqarsimasut, aviisi Nyhedsbrevet 3 F allaaserinnippoq.
februaarip 04-at 2011 07:38
Tamanna uuliasiornermi sillimaniarnernut pitsaanngitsunut sapaatit akunnerini kingullerni oqallisigineqartunut sukasaataaginnarpoq. Mærskimi uuliasiortut tamatumuuna pisuutinneqanngillat, pisuutinneqarlutilli Mærsk sinnerlugu uuliasiornermik suliffeqarfik Schlumberger sulisitsisuusoq sulisunik qinngornernik ulorianartunik navianartorsiortitsisimasutut pisuutinneqartoq.
Suliaq pillugu Schlumberger sillimaniarsimannginnerup kingunerisaanik 300.000 pundinik tassa 2.6 millioni koruunit missarluinnaanik akiliisitaavoq.
Akiliisitsinermut tunngavigineqarpoq uuliasiortut inuinnik 14-inik qinngornermik ulorianartunik eqqorneqarnissaannut ulorianartorsiortinneqarsimanerat.
