Uuliasiortitseqatigiiffiit isumalluarput
Cairn Energyp uuliamik nassaarnera siunissamut isumalluarnarpoq, taamaattorli piffissaq sivisooq aqqusaarneqartussaavoq, uuliasiortitseqatigiiffiit nunatsinniittut peqatigiiffianni Greenland Oil Industri Associationimi, siulittaasoq, Arne Rosenkrands oqarpoq.
Allattoq Jaaku Lyberth
septembarip 22-at 2010 05:43
Nassaarneq isumalluarnaraluartoq uuliamik tunisassiulernissamut piffissaq sivisooq aqqusaaqqaarneqassaaq.
- Uuliamik misissueqqaarnermi nalorninartut ilagisarpaat, qaqqat uuliamik maqititsisartut annikillingaatsiarsimammata. Sinneri maannakkut inissitsitertussanngorput.
- Uuliaqarfimmik naammattumik nassaartoqartariaqarpoq, aammalu avatangiisinut teknikkimullu unammillernartui suliarisinnaasariaqarpagut, Arne Rosenkrands oqarpoq.
- Uuliaqarnera isumalluarnartoqarpoq, neriuppungalu annertuumik peqarluassasoq, Arna Rosenkrands oqarpoq.
