Uuliasiornissat innuttaasunit isumalluarfigineqarput
Cairn Energy-p misiliilluni aasaru qillerinissaanut atatillugu Ilulissani oqallititsilluni ataatsimiititsinerani inuit 130-t missaanniittut peqataapput.
- Ataatsimiititsinerit Sisimiuni, Aasianni Ilulissanilu soqutigineqaqaat. Sisimiuni innuttaasut aappaatigooqartitsisut Aasianni innuttaasut sukkanerpaamik aqaguluunniit qillerisoqalernissaa piumasaraat, Finn Siegstad ataatsimiititsinerni nutserisuusoq oqarpoq.
Ataatsimut isigalugu innuttaasut uuliasiornissamut soqutiginnittut, uuliasiornerlu siunissami aningaasaqarniarnissamut neriunaatitut isigineqartoq aamma oqaatigaa.
Taamaattorli pinngortitaq uumasullu pilliutigalugit ingerlanneqarnissaa akerlerineqarpoq, taamaattumik upalungaarsimanissamut piumasaqaatit qaffasissuunissaat piumasaqaatigineqarpoq.
Anthon Lindenhann aalisartuusoq inngissunnguup qaavaniittutut misigisimanerarpoq, qularutiginngilaalu uumasut ingerlaarfitsik allanngortissagaat.
Jan Kristensenip uulia nappartamut akitsuusiinnarnagu aamma aatsitassanut tunngatillugu tonsimut akitsuusiisalernissaq piumasaqaatigeqquaa.
Uuliasiornissarli innuttaasunit tikilluaqquneqartoq innuttaasut oqallitsinneqarneranni malunnarsimavoq, taamaalilluni nunatta namminersulivinnissamini aningaasat atorfissani qulakkeertariaqarmagit.
