Uuliasiornerup kingunerisinnaasai pillugit Anchorage-imi isumasioqatigiittoqalerpoq

Issittumi nukissiuuteqarneq teknologiilu pillugu Alaskami Anchorage-imi sapaatip-akunnerata tulliani aallartittussamik isumasioqatigiittoqalerpoq.

Issittup Ukiuinut atatillugu isumasioaqatigiittoqassaaq, ullullu sisamat isumasioqatigiittoqassalluni.

Ilisimatuut 100-likkaat katersuutissapput, Japanimeersut, Korea Kujallermeersut, Tuluillu Nunaanneersut Anchorage-imiissagamik. Kalaallit Nunaat aamma peqataatitaqarumaarpoq.

Alaska Journal of Commerce-imi taama allaaserinnittoqarpoq.

Issittumi nukissiuuteqarniarnikkut periarfissat sammineqassapput, uuliasiortoqalissappallu gassimillu qalluisoqalissappat pinngortitamut inunnullu qanoq sunniuteqarsinnaanersut oqallisaassalluni.

Nukissiuutit imminut akilersinnaasut qanoq ilinikkut pissarsiarineqarsinnaassanersut paasiniarneqarpoq.

Ataatsimeersuartoqarnerup nalaani oqallinnerit assigiinngitsutigut ingerlanneqassapput, ilisimatuut saqqummiussisaqattaartassallutik.

Angallannikkut pissutsit atuuttut suunersut, attaveqaatit qanoq issusiat silallu allanngoriartornerata kingunerisinnaasai sammineqassallutik.