Uuliasiorneq paasisitsiniutigineqassaaq
Namminersornerullutik Oqartussat Aatsitassarsiornermut Pisortaqarfiat, Nuna Oil uuliasiortitseqatigiiffiillu peqatigiillutik Sisimiuniit Uummannaq tikillugu paasisitsiniaassapput.
Allattoq Jokum Nielsen
Hans Kristian Olsen, Nuna Oilimi pisortaq oqarpoq, Aatsitassanut Pisortaqarfimmiit, Nuna Oil-imiit uuliasiortitseqatigiinnillu pingaartinneqarsimasoq innuttaasut uuliasiulersinnaanerup aningaasarsiornikkut sunniutissaanik paasitinneqarnissaat, soorlu aamma pingaartinneqartoq uuuliamik nassaartoqaraluarpat imaanngitsoq uuliasiulerneq ingerlatiinnartumik pilernavianngitsoq, kisianni ukiut qulit 15-inillu ingerlanerani aatsaat qalluineq pilersinnaassasoq.
Sisimiut avataaniit Uummannaq tikillugu uuliamik ujaasisoqassaaq. Paasisitsiniaanerillu unnugu Sisimiuni aallartinneqassapput.