Uuliasioqatigiiffiit Nunarput soqutigaat
Berlingske Business-ip tusarliussinera malillugu Kangiani nunani assigiinngitsuni uuliaatilissuit Kalaallit Nunaata imartaani uuliasiornermut peqataanissaminnut soqutiginnilersimapput. Suliffeqarfinnit aallartitat Nuummi takuneqallattaalersimapput, aatsitassalerinermut allaffeqarfimmullu oqaloqatiginnillattaalersimallutik.
Berlingske Businessip uuliasiortunut attaveqarluarnerminit paasisimavaa ilaatigut Kinami, Korea kujallermi, Malaysiami Japanimilu siluffeqarfiit soqutiginnittuusut.
Suliffeqarfiilli taakku namminneq uuliamik qalluissamaanngillat, uuliasiortunilli aningaasaleerusullutik suliffeqarfinnulluunniit piginneqataalerusullutik.
Suliffeqarfiit aqqaneq marluk uuliasiornissamut akuersissummik Qeqertaaluup kangerliumarngani qinnuteqarsimasuni Shell, Statoil Cairn Energylu ilaapput.
Nunatsinni uuliasiornissamut pisortat suliffeqarfinnut qinnuteqarsimasunut oktobarip qeqqani isumaqatigiissuteqassasut aatsitassalerinermut allaffeqarfimmi pisortaq Jørn Skov Nielsen nalunaarpoq.