Uuliaqarsinnaaneranik misissuinissamik akuersissutit marluk
Tuluit uuliasiortitseqatigiiffiat Cairn Energy PLC nunatsinneersorlu NUNA OIL A/S Nunap Isuata ungasinngisaani uuliaqarsinnaaneranik kisimiillutik misissuinissanut, nassaarunillu qalluinissanut akuerineqarput.
Allattoq Louise M. Kleemann
Misissuiffissaat 20.000 km2-isut isorartussuseqarpoq, ukiunilu tulliuttuni immap naqqata sananeqaataa, pissusaalu misissuiffigineqassapput.
Cairn Energy PLC Nuup kitaatungaani Labradorillu imartaani misissuinissanut akuerisaareerpoq.
Cairn Energy PLC uuliamik gasimillu qalluiffiuteqartoq Skotlandimi Edinburghimi qullersaqarfeqarpoq. Maannamut taamaallaat Asiap kujasissuani uuliamik gasimillu qalluivoq.