Uuliap akianik malinnaatitassaq pilersippaat
Malinnaatitassaq Naalakkersuisunut siunnersuisartussaavoq, ilaatigullu ajornartorsiutip qanoq aaqqiivigineqarnissaanik saqqummiussisassalluni.
Uuliamik pilersuisup Polaroil-ip siunissami uuliamik pisisarnissamini periuseriumaagassaanik Naalakkersuisunillu piumasaqaatigineqarsinnaasunik aamma siunnersuisarsinnaavoq.
Uuliamik atuinermik annikilliliiffiusinnaasunik suliniutissanik saqqummiussisarnissaq, tassungalu atatillugu erngup nukinganik nukissiorfiliornissanik periarfissat pilertortumik sanaartorneqarnissaannik misissuineq suliassanut ilaassapput.
Attaveqarnermut, Avatangiisinut Aatsitassanullu Naalakkersuisup - Kim Kielsenip kissaateqarnera naapertorlugu uuliap akiata qaffakkaluttuinnarneranik malinnaatitassamik pilersitsisoqarpoq.