Uuliap akia apparujorujussuarpoq
Nunarsuatsinni aningaasaqarnikkut ajornartorsiorneq pissutigalugu uuliap akia appariarujussuarpoq. Uuliap Nordsømeersup akia ippassaq ima appariartigaaq, ukiut marluk ingerlaneranni aatsaat taama appasitsigilerluni. Dr-ip nittartagaani taama allaaserinnittoqarpoq.
Allattoq Louise M. Kleemann
novembarip 13-at 2008 08:15
Uulia nappartaq ippassaq 54 dollarsit missaannik akeqarpoq, akia siorna januaarimiit aatsaat taamak appasitsigaluni.
Nunarsuatsinni aningaasaqarnikkut ajornartorsiorneq pissutigalugu uuliap piumaneqarnera minnerulerpoq, taamalu akia appasinnerulerluni.
