Uuliamik qillerinissamut qinnuteqaatit nutaat marluk
Sumiiffiit qilleriffiginiarlugit qinnuteqarfigineqartut marluk akuersissuteqarfimmi ataatsimi qinnuteqarfigineqareersumi Siggummi inissisimapput. Taamaammallu avatangiisitigut inuiaqatigiinnullu attuumassuteqartut pingaarnerit eqqarsaatigalugit qinnuteqaatit marluusut imminnut assingussasut, Namminersorlutik Oqartussat nittartagaanni allassimavoq.
Uuliamik qillerinissamik qinnuteqaatit marluk Aatsitassanut Pisortaqarfiup pisortatigoortumik maannakkut tusarniaassutigivai.
Uuliasiorluni qillerinissamut qinnuteqaat tusarniaassutigineqareerpat Naalakkersuisut qinnuteqaammut aalajangiissapput, aalajangiinermilu ilaatigut tusarniaanermi akissutigineqartut tunngavigineqassallutik.
Tusarniaanermi oqaaseqaatit kingusinnerpaamik aggustip ulluisa aqqarnganni Aatsitassanut Pisortaqarfimmut tunniunneqassapput.