Norgemiut uuliamik qalluiffianniit ataatsimiit ippassaq unnuakkut akunnermi ataatsimi gassimik aniasoorsimanerat, pisortat isumakulunnartoqarteqalugu nalunaarput.
- Annertuumik aniasoortoqarsimanissaa ilimagaarput, qulakkiivissorluguli tamanna suli oqaatigisinnaanngilarput. Qanorluunniit pisoqarsimagaluarpat, tunisassiorfimmi gassimik aniasoorneq isumakulunnartorujussuartut isigisariaqarpoq, taamatut norgemiut nakkutilliisoqarfianni, PSA-mi atorfilik, Inger Anda oqarpoq.
Uuliamik qalluiffimmi sulisut annanniutinik qimarngunneqarsimasut, isumannaallisaataasinnaasullu tamarmik aallartinneqarsimasut, Statoil, uuliamik qalluiffimmi ingerlatsinermut akisussaasuusoq nalunaarpoq. Gassimik aniasoortoqarmalli tunisassiorneq unitsinneqaqqavoq.