Uuliamik gassimillu ujaasinissaq akuersissutigineqarpoq
Nunatta kitaata imartaani, Qeqertarsuup avataani, uuliamik gassimillu ujaasinissamut qalluinissamullu akuersissutit canadamiunut Husky Oil Operations Limited-imut kiisalu NUNAOIL-mut tunniunneqarput, akuersissutillu aatsitassanut naalakkersuisumit Kim Kielsenimit ullumi atsiorneqassapput.
Akuersissutissatut neqeroorutigineqartut katillugit arfineq-pingasuupput, blok-inut agguataarneqarlutik. Blok-it taakku 8.000 aamma 14.000 kvadratkilometerit akornanni annertussuseqarput, blok-illu pineqartut 5 aamma 7 atsioqatigiinnikkut ujaasiffiusinnaanngussapput.
Kalaallit Nunaanni naalakkersuisut aamma danskit naalakkersuisui Kalaallit Nunaanni Aatsitassat pillugit Isumasioqatigiit inassuteqarnerisigut ”Disko Vest 2006”-imi neqeroortitsinermut atatillugu tunniussinissamik akuersipput, tassungalu atatillugu Husky Oil Operations aamma NUNAOIL ujaasisinnaanngorput.
Akuersissutit Kim Kielsenimit, Husky Oil Operations Limited-imit kiisalu NUNAOIL-imit Hans Egede-p illuutaani ullumi nalunaaqutaq ataatsimut atsioqatigiissutigineqassapput.
