Uuliakoorneq toqqissisimanngissutigaat

Canadami Inuialuit nunaanni uuliap maqisup annertussusianik isertuussiniarsimanerminik pasillerneqarnini uuliasiortitsiviup Enbrigep ilumuunnginnerarpaa. Uulia maqisoortoq uuliap aqqutaani ruujorimit aniasimavoq.
Allattoq Jaaku Lyberth
juunip 09-at 2011 05:13

Uulia ruujorip aqqutaanit aniasoq annikitsuinnaasoq qaammatip ataatsip matuma siornatigut nalunaarutigineqarpoq,  tassalu uulia taamaallaat nappartanik sisamanik annertussusilik aniasimanerarneqarluni. Kisianni uulia annertunerujussuaq aniasimassangatinneqartoq, Canadami nutaarsiassaqartitsivik CBC newsimi  allaaserineqarpoq.

Uuliap aniasup annertussusianik uuliasiortitsivimmit assigiinngitsunik nalunaaruteqarneq, Inuialuit nunaanni toqqussisimanngissutigineqarpoq, taannalu pillugu innuttaasut unnugu ataatsimeeqatigineqassapput, susoqarnissaa oqallisigineqassalluni.

Uuliap aniasup eqqaani Willowlakep kuua uuliamit eqqorneqarnavianngitsoq uuliasiortitsivimmit qulakkeerlugu oqaatigineqarpoq.

Uuliamik saliinermut aningaasat atorneqartut 5-10 millionit  koruuniupput,  nutaarsiassaqartitsiviup CBC newsip nalunaarutaa malillugu, saliinermi aningaasartuutit annertunerujussuanngussangatinneqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq