Uuliaarluarnermik ikuallaasinnaaneq upalungaarsimasunut tulluutigunavippoq

Nunatta imartaani uuliakoortoqassagaluarpat ikuallaanikkut piiaanissaq periarfissatsialaasinnaavoq. Uuliamik immamiittumik ikuallaasarneq periaasiuvoq nutaaq, nunatsinnilu upalungaarsimasunut tulluutigunavilluni.
Allattoq Louise M. Kleemann
novembarip 14-at 2008 09:38

Issittumi Teknikkikkut Paasisimasat pillugit Ilinniarfimmi ilinniartup Janne Fritt-Rasmussenip periaaseq maanna misilittaaffigaa.

Periaatsimi uuliaarluarnikoq ikuallanneqartarpoq. Ikuallaanermilu 80 aamma 90 procent missaat taamaalilluni peerneqartarpoq, apeqqutaalluni uulia qanorittuunersoq.

- Taamatut periaaseq allani misilittarneqarnikuuvoq, soorlu Alaskami. Periaaserli suli sukumiisumik ilisimaneqanngilaq, immikkut ilisimasalittut ilisimatuunngorniaq oqarpoq.

Issittumi Teknikkikkut Paasisimasat pillugit Ilinniarfimmi ph.D.-nngorniarluni ilinniartup Janne Fritt-Ramsussenip Uuliaarnerup kingornagut uuliap ikuallassinnaajunnaartarnerata piffissap sivisussusaa immikkut misissugaraa. Taanna suleriarsinnaanermik piffissaliussatut taaneqartarpoq.

- Uuliaarluarnermik ikuallaasinnaaneq ullup affaanit sapaatip akunneranut sivisutigisinnaasarpoq, uuliap suunera apeqqutaalluni, Janne Fritt-Rasmussen oqarpoq.

Uulia ikinneqaruni sinnerissavaa, orsuut, tjære, uuliakup 5- 10 procentiatut angitigisoq, taannalu piiaruminartuuvoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq