Uulia atorunnaarlugu seqerngup nukinga atorneqalerli.
Al Gorep, siornatigut præsidentimut tulliusimasup, USA nukissiuutinik atuinermini mumisitsinermik aallartitseqqullugu kajumissaarpaa.
Allattoq Elisa Isaksen
juulip 19-at 2008 17:02
Al Gorep kissaatigaa, USA-p nukissiuutit ataavartut ima aallutsigissagai, allaat ukiut qulit qaangiutiinnarpata, USA-p uuliamik atuiunnaarsimanissaa ilimagalugu. Ritzauimi taama allaaserinnittoqarpoq.
Ullumikkut nukimmik atueriaaseq, uuliamillu akisoqisumik pisiortorneq, USA-p ukiuni qulini tulliuttuni attassinnaanngikkaa Al Gore isumaqarpoq. Taamaattumik USA-p ilaatigut anorimit nukissiuutinik aamma seqerngup nukinganik atuilernissaa piumasaraa.
Al Gorep nukissiuutinik allannguinissamik anguniagaqarnini, præsidentip John F. Kennedyp 1960-ikkut naatinnagit qaammammut tutisoqarnissaanik anguniagaqarneranik assersuuppaa.
