Uulia akitsoriartuinnarmat aalassassimaarutigaat
Nunavummi naalakkersuisut uuliamik pisiortornerminni akit qaffasippaallaartut atorlugit pisiortorsimanerarneqarput, aaqqissuulluagaanerusumik pisisoqarsimanissaa ujartorneqarluni.
Uulia aamma benziina sapaatip-akunnera ingerlanerani 22 centimik, tassa 1 koruunit sinnilaarlugit Nunavummi qaffappoq, timmisartut orsussaat annertunerulaamik qaffallutik.
Uuliap nappartamut akia nunarsuarmi qaffakkaluttuinnarmat Nunavummi uulia akitsoriartuinnartoq, Nunavummi nukissiuuteqarnermut naalakkersuisoq Ed Picco oqarpoq.
Paul Kaludjalli tamanna illuatungilerpaa, nukissiuutit allat atorneqarnerulernissaat Nunavummi naalakkersuisut aamma eqqarsaatersuutigisariaqaraat oqariartuutigalugu.
Uuliap akia qaffakkaluttuinnarmat Nunavummi innuttaasunut akitigut Nunavut Tunngaviup nalimmassaanissaa Nunavut Tunngaviup pisussaaffiginngikkaa, Paul Kaludjap oqaatigaa:
- Uagut kattuffipput taamatut pisussaaffeqanngilaq, Nunavummili naalakkersuisut tamanna pisussaafigalugu, Paul Kaludjak, CBC Newsimut oqarpoq.