Utoqqatserpoq ajuusaaqalunilu
Arfininngormat danskit svenskillu arsarlutik unammineranni angut dommerimut saassussisoq, Sverigemi toqqoqqalersimasoq, sapaatiummat nunarsuaq tamakkerlugu utoqqatserluni nalunaarpoq.
- Iliuuserisimasara kusanaatsuliorneruvoq, sianiilliornerullunilu. Kusanaatsuliorsimanera Danmarkimut Sverigimut dommerimullu utoqqatsissutigaara, danskeq 29-inik ukiulik Svenskit aviisianut Aftonblade-mut taama oqarpoq.
Danskeq saassussisoq, maanna Sverigimut nuussimasoq, BT-mit aamma pissarsiarineqarsimalluni oqarpoq ajuusaaqaluni.
- Danmarkimi innuttaasut uumissugarileraannga nalunngilara, Sverigimili inuit qanoq isumaqarnersut naluara, kisianni nalunngilara sianiitsuliorsimanera oqaatigisaraat. Aamma Svenskit nuannersumik ajugaasimasinnaagaluarnerat aserorpara, taamaammat naluara uanga pillunga qanoq isumaqarnersut, angut 29-nik ukiulik taama BT-mut oqarpoq.
Angut saassussisoq aamma oqarpoq, danskit arsartartuata Michael Gravgaard-ip saassussinermik unitsitsisimanera qujagalugu, ajornerusumimmi pisoqarsimasinnaagaluarnera pinngitsoortsimmagu, taama aviisi politikken allappoq.
