Utoqqarnik sullissisut isumasioqatigiittut

Utoqqarnik sullissisut 80-it illoqarfinni nunaqarfinnilu suliffeqartut nuna tamakkerlugu isumasioqatigiinnerat Nuummi Katuami ullumi aallartippoq.
Allattoq Jaaku Lyberth
novembarip 28-at 2012 13:24

Utoqqaat pillugit suliaqartut assigiinngitsut suleqatigiinnerannik nakussassaanissaq aamma utoqqarnik suliallit assigiinngitsut misilittakkaminnik eqqartueqatigiinnissaat ineriartortitsinissamullu isumassarsiorfigeqatigiinnissaat, isumasioqatigiinnerup siunertaraa.

Peqataasut 80-it sunik ilinniagaqartuunertik apeqqutaatinnagu imminnut attaveqartarnissaat, taamaalillutillu utoqqaat ulluinnarni sulinerminni tamarmik sullitarisatik pillugit attaveqaqatigiinnissamut periarfissaqarluarnissaat  isumasioqatigiinnerup siunertarivaa.

Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisup Mimi Karlsenip isumasioqatigiinneq ammarlugu oqalugiarami Naalakkersuisut utoqqaat pillugit periusissaat saqqummiuppaa.

Utoqqaat pitsaasumik inuuneqarnerat, utoqqaliartortarneq, isumassuilluni sullissinermi pissuserissaarnissaq kiisalu siunissami piginnaanngorsaanermik ineriartortitsinissamik pikkorissartarnissanillu kissaatit pisariaqartitsinerillu isumasioqatigiinnermi tusarneqarsinnaasut ilagivaat.

Isumasioqatigiinneq Nuummi Katuami ullumi aallartittoq tallimanngornermi novembarip 29-ani naammasineqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq