Utoqqalinermi aamma siusinaartumik pensionsiat immikkuulissapput
Ukiut utoqqalinersiuteqalerfiit 63-niit 65 –nut qaffanneqarput
Siunnersuut malillugu 2008-mi januaarip aallaqqaataaniit atuutilissaaq, taamaattorli 2010-mi januaarip aallaqqaataata tungaanut ikaarsaarfeqarluni.
Utoqqalinersiutilinnut kisermaanut aamma aappariinnut, aappaannaa utoqqalinersiutilimmut, utoqqalinersiutit 88.812 KR.-niit 110.000 KR.-nut qaffassapput.
Qaffaatissatut siunnersuut: 21.188 KR.
Aappariit tamarmik utoqqalinersiuteqarpata, taakkua 133.212 KR.-niit 150.000 KR.-nut qaffanneqassapput.
Qaffaatissatut siunnersuut: 16.788 KR. .
Utoqqalinersiutit pigiinnarlugit saniatigut isertinneqarsinnaasut:
Kisermaanut 56.000 KR.
Aappariinnut 84.000 KR.
Kisianni kisermaaq 228.000 KR.-inik aappariillu 318.000 KR.-inik isertitaqarunik utoqaalinersiuteqarsinnaassanngillat.
Utoqqalinersiutillut, namminneq isertitaqarunnaarsimasut, kisermaatulli utoqqalinersiat 50 procentii pisinnaajuassavaat, aapparisaq inooqalluunniitqanorluunniit isertitaqaraluarpat.
Utoqqalinersiat akit allanngorarnerat malillugu iluarsiivigineartassapput.
Itisiliinermi utoqqalinersiat pillugit oqallinneq nittartakkakkut tallimanngorpamiit takuneqarsinnaalissaaq