Utoqqaat qatserisut
![](/sites/default/files/styles/image_934x467/public/article_images/ldre_slukker_brand_630.jpg?itok=8GwfZj1a)
”Illuaraq qimassiuk inneq qamissinnaanngikkussiuk qatserisartullu kalerrillugit”.
Taama ilaatigut siunnersorneqarput Nuummi utoqqaat peqatigiiffianni Blok 10-meersut Naalersitamut aasarsioriartigatik. Utoqqaat namminneq noqqaassuteqarnerisigut ikuallattoqalersillugu qatserinermut pikkorissarneqartut, Kommuneqarfik Sermersooq nittartakkami taama ilisimatitsivoq.
Qatserinermut pikkorissarnissamut periarfissaq takkuppoq utoqqaat peqatigiiffiata Blok 10-mi inaani ikuallattoqalersillugu qimaaffissat qatserisartunit misissorneqarmata. Tassani utoqqaat qatserinermut pikkorissarneqarnissamik kissaat saqqummiuppaat. Taamassimmat qatserisarfimmut qaaqquneqarput. Utoqqaat niaqorornaveeqquserlutillu qatserisartut kavaajarsuannik atisitinneqarput. Aammattaaq qatserinermut atortunik sakkulerneqarput taamalu qatserineq aallartillugu.
Utoqqaat tununnguanni qatserisartut piareersimapput pisariaqalissappat ikiuuteriaannaallutik. Maannalu tassa utoqqaat aasarsiorniarnissaminnut piariinnguatsiarput.
- Taamatut qatserisarfimmut paasiniaanikkut utoqqaat aallaarsimaarnissaminnut sillimanissamut sakkussaqalerput piareersimanerulerlutillu, Kommuneqarfik Sermersoormiut allapput.