Utoqqaat Nunatsinnut takornariarnerusarput
Takornariartartunullu 50-niik 59-nut ukiullit amerlassutsimikkut tullersortaapput. Naatsorsueqqissaartarfiup kisitsisit saqqummersitai kingulliit malillugit 40-niik 49-nut ukiullit Nunatsinnut takorniariartartut ukiui eqqarsaatigalugit pingajuattut inissisimapput.
Kisitsisini aamma takuneqarsinnaavoq angutaanerusut takornariartartut- aammalu takornariat tallimaappata sisamat Skandinaviamiit Europalluunniit avannaaniit takornariaasartut.
Nunatsinnut takornariat amerlanerpaat Danmarkiminngaanneerput, tyskit tullersortaallutik.
Kisitsillu aamma takutippaat amerikamiut Nunatsinnut takornariarnissartik soqutigerpiarunnaarsimagaat. Tassami amerikamiut Nunatsinnut takornariartartut 2007-miit 2009-mut affaannanngorsimammata.
Naatsorsueqqissaartarfiup kisitsisaataani aamma takuneqarsinnaavoq, takornariartartut affaangajai Nunatsinniittartut sivikinnerpaamik ullormi ataatsimi sivisunerpaamillu ulluni arfineq marlunni, takornariallu pingajorarterutaat sapaatip akunnerini marlunni tamaaniittartut.
Sivisunerusumillu Nunatsinniittut tassaasimapput inuusukaat 20-niik 29-it tikillugit ukiullit.
