Utaqqisut ullumi ingerlanneqarput
Air Greenland Nuummiit Kulusummut uterlugulu ullumi timmisartuussivoq.
Allattoq Elisa Isaksen
decembarip 15-at 2007 13:37
Silarloqattaarnerata kinguneranik ilaasussat 37-t ingerlaqqinnissartik sivisujaarsuarmik, tassa decembarip tallimaannili utaqqisariaqarsimavaat.
Ilaasunik angallasseriaraluartarnerit sila pissutigalugu Kulusummilu mittarfeqarfimmi sumiissusersiornermi atortorissaarutit ajoquteqarnerat pissutigalugu iluatsittarsimanngillat.
- Ilaasunik angallassineq ualimut iluatsipparput aqagulu allakkat nassiussallu qaleriiaaginnalersut sinnerisa ingerlateqqinnissaat pilersaarutigaarput, Kulusummi mittarfiup pisortaa Benny Mouzynsky oqarpoq.
Taassuma ilanngullugu oqaatigaa, mittarfeqarfiup sumiissusersiornermut atortorissaarutai maanna iluarsaanneqareersut.
