Utaqqiisaasumik inigisat pillugit nalunaarut kinguartooqqippoq
Nalunaarusiaq sooq suli piariinngitsoq oqarsinnaannginnerarpoq, neriorsuutigaali piariilivissoq, namminerlu aamma tuavisaarisimanerarpoq.
Utaqqiisaasumik inigisat pillugit nalorninartorsiutigineqarnerat Naalakkersuisunit assigiinngitsunik periarfissaqarnerarneqarpoq:
- Naalakkersuisuni tamanna aalajangiiffigingajalerparput. Suniarnerluta. Soorlu Qinngutsinni inissiat maanna sanaartorneqartut sulisut inigisaattut immaqa atorneqarsinnaassasut, Palle Christiansen oqarpoq.
Aammali isumaqarpoq, Namminersorlutik Oqartussat sulisui namminneerlutik inissarsiorsinnaassagaluartut. Palle Christiansenimmi oqarneratuut, pisortat sulisuminnut ilungersorlutik inissarsiuussisarput, nunarsuarmi allani taamaattoqanngilaq, nalunngilaalu Naalakkersuisut unammillernartorujussuarmik suliassaqartut.
