Issittup puisaa ussuk ataaseq USA-p kiattortaanut Floridamut tarmartajaartoq Floridami aviisit ilaanni Miami Herald-imi allaaserineqarpoq.
Ussuk issittumit 8000 kilometerit missaanni kujasinnerusumi naalagaaffeeqqap Floridap sissaani angalaartoq ataasinngormat takuneqarpoq, tiguneqaramilu uumasut napparsimmaviannukaanneqarasuarpoq toqullunili.
- Issittumi uumasuugami maanni kiassuaq sungiusimanngisani toqqutigaa, Floridami uumasunik imarmiunik annaassiniartartut ilaat Blair Mase- Guthrie avisimut Miami Herald-imut oqaluttuarpoq.
Paasineqanngilaq sooq ussuk kiattumut taama ingerlasimanersoq, ussummillu aatsaat taama kujavartigisumik siornagut takusoqarsimanngisaannartoq, Miami Herald aallaaserinnippoq.
USA-p naalagaaffeeraani Massachusettsimi, Floridamit avannarpasinnerungaatsiartumi ussunnik siornagut takusoqartarsimavoq, ussuup Flrodamut annguttup avannamukarnissi puigorlugu kujammut ingerlaaginnarsimassasoq ilisimatuut eqqoriaapput.