Usit annersarsuat tikiuteqaat
Umiarsuaq immikkukajaaq ittumik usilik unnuaq Nuummut tikippoq. Usigaa motorerujussuaq nutaaq - Nuummi Sarfaannguani innaallagassiorfiup generatorissaa.
Allattoq Apollo Jeremiassen
aggustip 09-at 2010 07:28
Nukissiorfiit oqaaatigaat motoori taanna Kalaallit Nunaanni generatorit annersarigaat. Taannaqa oqarput.
Motorerujussuaq 358 tonsinik oqimaassuseqarpoq, fem meterit sinnerlugit silitsigaluni seks meterillu angugajallugit portutigaluni, inissiarsuarni init quleriit marluk portoqqataa.
Motori generatorersuaq ulluni qaninnerni illoqarfiup qeqqatigut ingerlanneqassaaq, Sarfaannguani innaallagissiorfiup eqqaanut inissinneqassalluni, tassunngaanneralu ajornaatsuinnaassanngilaq.
Siullermik aqqusinermi asfalti qalleqqinneqarsimavoq aserujannginnerussammat aammalu aqqutissaani aqquserngup qullii ledningillu piiarneqarsimallutik.
Ullaaq arfineq marlunut motorersuaq usigiarneqarluni aallartippoq.
