USA Tjekkiami Polenimilu tikilluaqqusaavoq

Atlantikup avannaani illersoqatigiiffiup NATOp aallartitaasa Rumaniami ataatsimeereernerani præsident Bush tulluusimaaqisoq, maanna Kroatiami, illersoqatigiiffimmut ilaasortanngulersumut tikeraarpoq.
Allattoq Elisa Isaksen
apriilip 04-at 2008 17:43

NATOp ataatsimeersuarnerani nunat 26-t aallartitaasa, siusinnerusukkut akerliusimagaluartut, USAp qaartartunut igeriuttakkanut Tjekkiami Polenimilu illersuusiorniarnerat akueraat. Pingaartumik Iranimit saassunneqarsinnaaneq upalungaarsimaffigineqarpoq.

Sapaatiuppat Bush ruslandillu præsidentia Putin tamannarpiaq pillugu naapeqatigiissapput. Putin aalajangertariaqassaaq illersuusiornissamut peqataassanerlutik.

Danmarkip ministeriuneratattaaq isumaqatigiissutaasimasoq nuannaarutiginerarpaa. Sorsunnerummi nillertumik taaneqartartup nalaani nunat Europap kangisissuaniittullu sattaaserlutillusooq pasisaqattaannitik maanna anigorsinnaalernerarpaat; taamaalillutik nunat Europamiittut avataanit saassunneqarsinnaanerminnut ataatsimoorussamik upalungaarsimalersinnaalissammata.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq