USA siullerpaamik arnamik aningaasanut ministeritaarsinnaasoq
USA-p præsidentissaata Joe Bidenip, USA-p qitiusumik aningaaserivissuani qullersaasimasoq Janet Yellen, aningaasaqarnermut ministerissamisut piukkullugu toqqarpaa. Nutaarsiassaqartitsivik Ritzau taama allaaserisaqarpoq.
- Janet Yellen aningaasaqarnermut ministerissatut piukkunneqarpoq. Ministeritut akuersissutigineqassaguni aningaasaqarnermut ministereqarfiup ukiuni 231-ni oqaluttuarisaanerani arnani siullersaalluni ministerinngussaaq, Bidenip præsidentinngornissaanut ikaarsaarnermut ataatsimiititaliaq taama nalunaaruteqarpoq.
74-inik ukiulik Yellen aningaasarsiornermik ilisimasalittut ilinniarsimasuuvoq, aningaasaqarnermullu ministerissatut piffissami sivitsortumi piukkunneqarsimalluni.
Janet Yellen arnani siullersaalluni USA-p qitiusumik aningaaserivissuani aamma qullersaavoq.