USA Russillu isumaqatigiipput
Qaartartunut igeriuttakkanut illersuusiassap USA-mit Ruslandimillu isumaqatigiinngissutaareerluni, tupaallaatigineqartumik ingerlariaqqipput.
Qaartartunut igeriuttakkanut illersuusiassap isumaqatigiinngissutiginerani USA aamma Rusland tupaallannartumik ingerlariaqqissimapput.
Russit præsidentiat, Vladimir Putin, Amerikamiut præsidentiannik, George W. Bushimik naalagaaffiit G8-mik taaneqartartut Tysklandimi ataatsimiinnerannut atatillugu oqaloqateqareerluni oqarpoq, qaartartunut igeriuttakkanut illersuusiassamut suleqataasinnaalluni, tassa suliap ingerlanneqarnera ammasumik ingerlanneqarpat.
- Akerliliissutissaqanngilagut, Putin oqarpoq, tassa suleqatigiinneq ammasumik ingerlanneqassappat.
Tamannarpiaavorlu Ruslandip qaartartunut igeriuttakkanut akerliunera millisarniarlugu USA-p siusinnerusukkut neqeroorutigisimasaa.
Amerikamiut qaartartunut igeriuttakkanut illersuusiariniakkaminni ilaatigut pilersaarutigaat Polenimi Tjekkiamilu, tassa Ruslandimut qanittumi illersuusiorniarlutik.
Vladimir Putinip aammattaaq siunnersuutigaa qaartartunut igeriuttakkanut illersuusiorniarnermut atatillugu ataatsimoorussamik Amerikamiut russillu Aserbajdsjanimi sakkutooqarfiliussasut.
"ritzau"
