Avatangiisit Nunanit allanit

USA Parisimi isumaqatigiissummit pisortatigoortumik ilaasortaajunnaarpoq

Nunat tamalaat silap pissusiata allanngoriartornerata akiorniarneqarnissaa pillugu Parisimi isumaqatigiissummit aninini, USA-p Naalagaaffiit Peqatigiinnut pisortatigoortumik ataasinngornermi nalunaarutigaa.
USA-p Parisimi isumaqatigiissummit aninissaanut nalunaarut tupaallannartoqanngilaq, USA-mmi aninissaa pilersaarutigigini præsident Donald Trumpip 2017-imi nalunaarutigaa. Assi © : Tom Brenner/Reuters/Ritzau Scanpix
Allattoq Ritzau
novembarip 05-at 2019 08:31

USA-p isumaqatigiissummit aninissaata suliarineqarnera ukiumik ataatsimik sivisussuseqartussaq taamaasilluni aallartissinnaalerpoq.

USA-p Parisimi isumaqatigiissummit aninissaanut nalunaarut tupaallannartoqanngilaq, USA-mmi aninissaa pilersaarutigigini præsident Donald Trumpip 2017-imi nalunaarutigaa.

USA-p Parisimi isumaqatigiissummit aninissaa pisortatigoortumik ataasinngormat aatsaat nalunaarutigineqarsinnaalerpoq, USA-p isumaqatigiissummit aniniarnini pisortatigoortumik tassani aatsaat nalunaarutigisinnaalermagu.

AAMMA ATUARUK USA-p isumaqatigiissummut peqataaniarunnaarnini aalajangiusimaannaraa

Nunat tamalaat Parisimi isumaqatigiissutaat, silap pissusia pillugu Parisimi 2015-imi ataatsimeersuarnermi isumaqatigiissutigineqarpoq.

Silammi pissusiata allanngoriartornerata killilersimaarneqarnissaata sulissutigineqarnissaa, nunat FN-imut ilaasortat 196-it taamani atsioqatigiissutigaat.

Nunarsuarmi silaannaap suliffissuaqalernerup siornanut naleqqiullugu annerpaamik 2 gradinik kiatsinnissaa Parisimi isumaqatigiissummi anguniagaavoq.

/ritzau/Reuters

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq